Reuters: Pa vaksinë deri në vitin 2024, për vendet e varfra

0

Për të shpërndarë vaksinat për COVID-19 në vendet e varfra ka një risk shumë të lartë dështimi, kjo është skema globale e Organizatës Botërore të Shëndetësisë.
Sipas Reuters, që citon dokumente të brendshme të OBSH-së, thotë se kjo mund të lërë miliarda njerëz pa qasje në vaksina deri në vitin 2024, potencialisht duke i lënë ata të ekspozuar ndaj virusit.

Në to thuhet se promovuesit e skemës po ankohen se programi ka mungesë fondesh, gjë e cila kufizon blerjen e dozave dhe marrëveshjet kontraktuale. Të gjitha këto ndikojnë ndjeshëm në synimin e programit COVAX, pjesë e të cilit është dhe Shqipëria, për të vaksinuar njerëzit e varfër dhe me të ardhura mesatare në shtete të ndryshme të botës.

Organizata Botërore e Shëndetësisë ka planifikuar shpërndarjen e të paktën 2 miliardë dozave të vaksinave deri në fund të vitit të ardhshëm për të mbuluar 20% të personave që bëjnë pjesë në grupin e riskut në 91 vende, kryesisht në Afrikë, Azi dhe Amerikën Latine. Raporti thotë se rreziku i dështimit është shumë i lartë pasi skema është ndërtuar shpejt dhe në një territor të panjohur. Reuters i është drejtuar OBSH-së për një koment, por që nuk ka dashur t’ i referohet këtyre raportime.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu