Këto janë shtetet që Kosova i konsideron me rrezikshmëri të lartë të infektimit dhe u kërkon test negativ

0

Shtetasit e 27 vendeve evropiane nuk mund të hyjnë në Kosovë, pa e poseduar një test PCR-Negativ, jo më të vjetër se 72 orë.

Nëse nuk e posedojnë një test të tillë, atëherë duhet të vetizolohen, meqenëse shtetet prej nga vijnë konsiderohen me rrezik të lartë të infektimit. Express u sjell listën e këtyre shteteve.

Mërgimtarë të shumtë kanë planifikuar që festat e fundvitit t’i kalojnë në Kosovë me familjarët e tyre. Por, shkaku i pandemisë COVID-19, atyre u janë vënë disa kushte për të hyrë në vend, varësisht se prej cilit shtet vijnë.Nëse vijnë prej shteteve të cilat konsiderohen me rrezik të lartë të infektimit nga Qendra Evropiane për Parandalimin e Sëmundjeve, atëherë duhet të kenë një test PCR-Negativ për të hyrë në vend.

Por, cilat janë shtetet që i konsideron Kosova me rrezik të lartë të infektimit?

Pjesë e listës janë: Franca, Britania e Madhe, Italia, Spanja, Gjermania, Polonia, Holanda, Belgjika, Çekia, Rumania, Portugalia, Suedia, Austria, Hungaria, Bullgaria, Kroacia, Sllovakia, Greqia, Danmarka, Sllovenia, Lituania, Luksemburgu, Latvia, Estonia, Malta, Qiproja dhe Lihtenshtajni.

Ndërkohë, testi nuk iu kërkohet shtetasve të Irlandës, Finlandës, Islandës dhe Norvegjisë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu