LIMAJ PËRKRAH FUQISHËM IDENË QË MURAT JASHARI TË ZGJIDHET PRESIDENT

0

Kreu i Nismës, Fatmir Limaj, e ka përkrahur idenë që presidenti i ardhshëm i vendit të vjen nga familja Jashari.

Limaj ka thënë se kjo ide është shumë e qëlluar edhe pse është përfolur shumë shpesh, madje edhe sonte u propozua nga kreu i Skenderajt, Bekim Jashari.

“Është zgjidhje e mirë. Në këtë moment është zgjidhja më e mirë e mundshme. Kjo do të ishte zgjidhja më adekuate, nëse arrijmë ta gjejmë një konsensus”, është shprehur Limaj në T7.

Limaj tha se pas kësaj ideje Nisma është fuqishëm. “Ndoshta tash është momenti për ta bërë një gjë të tillë. Nisma është fuqishëm pas kësaj ideje”, ka thënë Limaj.

Bekim Jashari ka thënë se janë të gatshëm ta pranojnë pozitën e presidentit nëse pajtohen partitë politike. ai thotë se më i miri për këtë pozitë në familjen e tij është Murat Jashari, ai madje thotë se është më i mirë se ai për këtë pozitë.

“Çështjen e presidentit e kanë bisedu por jo direkt se a do ta pranoni, e kam deklaruar hapur, unë si Bekim edhe si familje kemi tregu në momente të caktuar këto 20 vite qe jemi gjak i këtyre(Jasharëve), kemi tregu që kem guxim, mundemi dhe dimë në moment të caktume mos me i ik përgjegjësive. Ne qoftë se këta të gjitha partitë politike gjejnë konsensus dhe bijnë dakord që një nga ne, që unë mendoj se më i i miri do të ishte Murati, është më i miri e më i duhuri për atë pozitë, është më i mirë se unë”, ka thënë Jashari në TV Dukagjini.

Ai shton se nuk ka pasur asnjë takim me liderët politikë për çështjen e Presidentit.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu