​ASAMBLISTJA E LDK-SË KALON NË PARTINË E ALBIN KURTIT

0

Asamblistja e Lidhjes Demokratike e Kosovës në Komunën e Ferizajt, Yllkë Neziri, sot ka kaluar në radhët e Lëvizjes Vetëvendosje.

Lajmi është bërë i ditur nga kreu i kësaj partie Albin Kurti përmes një postimi në Facebook.

Ai ka thënë se Yllkë Neziri rrjedh nga një familje intelektualësh, ka gradën bachelor në drejtimin Banka, Financa dhe Kontabilitet, dhe master në të njëjtin drejtim.

Postimi i plotë:

Asamblistja më e votuar e LDK-së në Komunën e Ferizajt, Yllkë Neziri, sot na u bashkua në Lëvizjen Vetëvendosje.

Yllka rrjedh nga një familje intelektualësh, ka gradën bachelor në drejtimin Banka, Financa dhe Kontabilitet, dhe master në po të njëjtin drejtim.

Ajo ka përvojë si financiere dhe në fushën e kontabilitetit në sektorin privat, aktualisht mban pozitën e Financieres në KRM Pastërtia Sh.A.

Ajo po ashtu është anëtare e Komisionit për Buxhet dhe Financa në Kuvendin Komunal të Ferizajt, dhe tani e tutje do të jetë një vlerë e shtuar në grupin e asamblistëve të Lëvizjes në Ferizaj.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu