Vjosa Osmani: Bashkim Jashari do ta udhëheqë ushtrinë e ndërtuar me aq shumë mund e sakrificë të brezave të tërë

0

Osmani përmes një postimi në Facebook, ka shkruar se Bashkim Jashari i shërbeu atdheut kur ishte rreziku më i lartë, tani do i shërbej duke e udhëhequr.

“Bashkim Jashari i shërbeu atdheut atëherë kur populli ynë rrezikohej të shuhej nga regjimi gjenocidal i Millosheviçit. Edhe tash e tutje do t’i shërbej shtetit të tij duke e udhëhequr ushtrinë e ndërtuar me aq shumë mund e sakrificë të brezave të tërë. Prandaj ishte nder i veçantë që sot ta emëroj në detyrën e Komandantit të Forcës së Sigurisë së Kosovës”.

Tutje, Osmani tha se Gjeneralmajor Jashari do ta ketë mbështetjen e saj të plotë.

“Gjeneralmajor Jashari do ta ketë mbështetjen time të plotë si Komandante Supreme në ngritjen e FSK-së në piedestale edhe më të larta. Në këtë detyrë të shenjtë gjeneralmajor Jasharit i uroj suksese, ndërkaq gjenerallejtënant Ramën e falënderoj për shërbimin e deritashëm!”, ka shkruar Osmani.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu